Sa Isang Tasa ng Kape
Sa kabila ng mga ngiti, ng mga tawa at halakhak. Nagkukubli ang sakit, lungkot at pighati. Kung kayang hugasan ng isang tasa ng kape ang bawat hinanakit, sama ng loob at lungkot, pipiliin kong manatili sa lamesang ito at inumin ang bawat tasa ng kape na nakahain. Kung ang bawat higop sa tasa ng kape ay magpapaluwag ng hininga at magpapagaan ng loob, upang tunawin ang bawat luhang gustong umalagwa't dumaloy, aking nanaising ito ay tuluyang dumaloy. Subalit gaya ng kape, ito ay may kanya kanyang timpla, mapait, matamis, matabang at walang lasa. Parang pag ibig mo na minsan ay mapait dahil sa hinanakit, matamis sa umpisa ng ating pagsasama subalit unti unting tumatabang at nawawalan ng lasa sa paglipas ng panahon na kapiling ka.